Muftinia e Gostivarit

Muftinia e Gostivarit është institucioni përgjegjës për organizimin dhe administrimin e jetës fetare islame në rajonin e Gostivarit, në kuadër të Bashkësisë Fetare Islame të Republikës së Maqedonisë së Veriut. Selia e Muftinise gjendet ne qendër të qytetit të Gostivarit, ose me saktësishtë në Kullën dhe Xhaminë e Sahatit.

Muftinia e Gostivarit, përfshin të gjitha vendbanimet e Komunës së Gostivarit, Komunës së Vrapçishtit, si dhe një pjesë të vendbanimeve të Komunës së Mavrovës – Rostushës, gjegjësishtë fshatrat e Rekës së Epërme.

Nën kujdesin e Muftinisë së Gostivarit janë: 72 xhami, 56 mektebe, 5 Teqe/Tyrbe.

Muftinia e Gostivarit sot numëron rreth 80 mijë antare, duke e bërë muftinin e dytë më të madhe në RMV.

Ky institucion organizon aktivitete të ndryshme fetare dhe kulturore për të promovuar vlerat islame dhe për të forcuar komunitetin musliman.

Muftinia e Gostivarit në të kaluarë ka qenë pjesë e Muftinisë së Tetovës, deri në vitin 1994, ku edhe mëvetësohet.

Muftit të cilët kanë udhëhequr prej fillimi deri më tani janë:

Muftinia e Gostivarit ka organizuar manifestime fetare për të shënuar ngjarje të rëndësishme si “Mirë se erdhe o Resulullah”, nata e Israsë dhe Mi’raxhit. Gjithashtu, Muftinia ka zhvilluar takime informative me besimtarët që planifikojnë të kryejnë Haxhin, duke ofruar udhëzime dhe këshilla për këtë udhëtim të rëndësishëm fetar.

Bashkësia Fetare Islame e Maqedonisë së Veriut (BFI) është formuar zyrtarisht më 27 maj 1994 si një institucion i pavarur që organizon jetën fetare islame në vend. Megjithatë, rrënjët e saj datojnë që nga periudha osmane, kur administrata fetare islame ishte e organizuar brenda strukturave shtetërore osmane. Para pavarësimit të saj në vitin 1994, Bashkësia Islame në Maqedoni ishte pjesë e Bashkësisë Islame të Jugosllavisë. Pas shpërbërjes së Jugosllavisë, komunitetet islame në shtetet e reja të pavarura u organizuan në institucione të veçanta kombëtare.